Վերջերս թարմացվել են
- Անցուդարձ
- Համեցեք ընտրական փուլի համերգին, 30.06.3023
- Հուլիսի 17-ին մեկնարկում է Հուսո առագաստ 2023 առցանց փառատոնը
- Սրբուհի Սիմոնյանն ու Արևիկ Կարապետյան՝ Կենտրոնի առավոտը, 27.04.2022
- Ամենալավ պարգևը սերն է․ Վախթանգ Հարությունյան
- «Ճեղքվող լռություն» համերգի անդրադարձը
- Հեղինակային երգը երաժշտությամբ փաթեթավորված պոեզիա է. armenpress.am
- Առաջինի հյուրն է Վախթանգ Հարությունյանը
Սպուտնիկ Արմենիան՝ «Բարդերի ակումբի» մասին
«Բարդերի ակումբի» տարեշրջանի փակումն ու Սևանում նախատեսված փառատոնը
16.06.2017
Երևանում հեղինակային երգի «շտաբ բնակարանը» ամենայն պատասխանատվությամբ և վստահությամբ կարելի է «Բարդերի ակումբ» համարել։
Անվանի և նորանուն հեղինակ-կատարողների երգերը, կիթառի կենդանի հմայքն ու միջավայրը հին և նոր հանդիսատեսին ամեն ուրբաթ ակումբի ճամփան նորից բռնելու հաճելի առիթ են դառնում։ Եվ այսպես արդեն 8 տարի։
«Բարդերի ակումբի» համար 2017-ի առաջին տարեշրջանն էլ տպավորիչ էր, ձեռքբերումներով լի, հետևաբար վաստակել է մինչև աշուն հանգստի գնալու իրավունքը, ինչով էլ պայմանավորված էր ակումբում համերգաշրջանի եզրափակիչ հավաք-երեկոն։ Հանգստի գնալն էլ պայմանականորեն է ասված, քանի որ առջևում Սևանում կայանալիք փառատոնն է։
https://www.bardclub.am/press/427-sputnik-armenia#sigFreeIdc6a4d5ec5f
«Բարդերի ակումբ» ստեղծագործական միավորումը «Սիվիլ արտ» մշակութային հասարակական կազմակերպության հետ համատեղ 2015 թվականից կազմակերպում է «Հուսո առագաստ» հեղինակային երգի փառատոնը, որն այս տարի ընդգրկում է միջազգային շրջանակներ և արդեն իսկ հասցրել է բարդ ժանրի սիրահարների մեծ բանակ համախմբել իր շուրջ։
Փառատոնը տեղի է ունենալու հուլիսի 14-16-ը, մասնակցության հայտագրումն արդեն իսկ մեկնարկած է։ Մշակութային նման նախագծերը ստեղծագործական հնարավորությունները բացահայտելու լավագույն առիթ են հատկապես երիտասարդների համար, քանի որ հենց նրանց կողմից է, որ հեղինակային երգն առանձնահատուկ սեր է վայելում։ Իսկ «Հուսո առագաստում» ոչ միայն փայփայում և գնահատում են այդ սերը, այլև անում ամեն հնարավորը նոր սերնդի մտքում և սրտում այն պահպանելու համար։